Act 6 | PONPDN | STEP | A TOUNPADAK kan lao totolar ni ran pukat men Krik kai ap lipaned on men Ipru, aki sota me apwali ar li odi kan ni ar dodok en ran akan.

Acts 6

1 A TOUNPADAK kan lao totolar ni ran pukat men Krik kai ap lipaned on men Ipru, aki sota me apwali ar li odi kan ni ar dodok en ran akan. 2 Ekriamen oko ap molipe pena tounpadak kan masani: A sota mau on, sen muei san masan en Kot, pwen papa ni tepel. 3 Ari ri (at) akan, rapaki san nan pun omail ol isimen, me kalok mau, me dir en Nen (saraui) o lolekon, me sen kasapwiladan dok wet! 4 A kit pan apapwalita kapakap o dodok pan masan o. 5 Pokon o ari peren kida kaparok pot et. Re ap piladar Stepanus, ol amen, me dir en poson o Nen saraui, pil Pilipus, o Prokorus, o Nikanor, o Timon, o Parmenas, o Nikolaus, proselite san Antiokien amen. 6 Re kidan irail mon wanporon akan. Re lao kapakaper ap kidan po ’rail lim ar. 7 Masan en Kot ari pwaida kaualap, o tounpadak kan madan totolar nan lerusalem, o samero toto pil ian lamalam o. 8 A Stepanus, me dir en poson o kelail, ap wiadar manaman o kilel laud kai nan pun en aramas akan. 9 A akai me udar, me kisan sinakoke en Liperti o men Kirene, omen Aleksandrien, o men Silisia, o Asien akamai on Stepanus. 10 A re sota kak palian en Stepanus a kupurokon o Nen o, me audeda i. 11 Irail ari pwain on ol akai, pwen katiti: Se roner, me a lalaue moses o Kot. 12 I rail pil kamakarada aramas, o saumas akai, o saunkawewe, re ap saikidi i o koledi, re ap wa don i mod en kadeik o, 13 O kapwareda saunkadede likam akai, me katitiki: Aramas men et sota kin dukedi san a lulaue wasa saraui et o kapun. 14 Pwe se roner, me a katitiki, me Iesus en Nasaret pan kawela wasa et o kawilianla lamalam kan, me Moses kotiki on kitail er. 15 A karos, me ian mod on kapun o, kankakil i, kasauiada, me silan a dueta silan en tounlan amen.